香港新浪網 MySinaBlog
notSpacious | 28th Sep 2012 | 置頂文章 | (494 Reads)

3802374-迫遷戶單張20120928.pdf

被迫遷戶關注組在長亨落區,派發單張。

被迫遷戶在長亭落區 

以下是billy落區後的感想: 

當主流社會不斷講緊幾多人上唔到樓、幾多人住係劏房嘅時候, 原來有一班多年前憑著自己努力上樓, 住係公屋十幾年只為安居的街坊, 因為房委會十幾年前公屋編配問題, 加上近年政府為左製造「公屋流轉」ge假象, 係無諮詢過居民嘅情況下修改編配標準, 甚至用「資源有效分配」為由, 將呢批居民妖魔化做「寬敞戶」, 迫遷佢地離開自己十幾年嘅家, 迫遷佢地去一人單位住。由於背上「寬敞戶」這惡名, 房署輕易將佢地同社會上等緊上樓嘅人對立起來, 自2010年起, 逐少逐少將呢批街坊由「大」單位迫遷去一人單位。從而製造公屋流轉嘅假象......

寬敞戶關注組今日係青衣落區, 大約十多人, 多次落區後, 街坊都駕輕就熟, 500單張不消兩個鐘頭已派晒, 過程中即使身水身汗, 大家都仍然努力去派, 努力向途人講解。

諗起叫咪時有位先生走埋黎同我講:「......住在係間屋十幾年, 始終有

感情, 識左嘅人去到第到就搵唔返架啦, 你政府擺明起唔夠樓, 做咩而家要搞佢地先?」

唔通住係公屋嘅居民連少少基本嘅住屋權都要比政府剝削?難道只因為我租你政府樓住, 就要日日提心吊膽隨時執定包袱要比你房署搬來搬去? 編配標準是誰訂下?如此影響居民嘅政策修訂可以唔駛諮詢居民就硬推? 

2012年10月25日, 一個唔會有人留意嘅日子。當日, 房委會將就「寬敞戶」政策做檢討。不過, 按照上次檢討經驗, 公屋編配標準好有可能進一步被收緊, 那時將有更多人因輕微人口變動而被定義為「寬敞戶」, 然後房署繼續出信迫街坊走, 然後......那時, 持續一年多嘅關注組可能都係時候玩完......

距離檢討會時間無多, 遊說、落區、行動, XXXX 做到幾多就幾多。那怕仲有一口氣, 正如街坊講:「起碼我爭取過、出過聲!」諗返轉頭, 有時候叫你撐落去嘅, 可能只係街坊嘅一句說話、一齊行動過嘅經歷。

寬敞戶關注組, 加油!!